Սիրիայում գնդակոծությունների հետևանքով խաղաղ բնակիչներ են տուժել

03:14 • 06.10.18

Սիրիայի Սանդրան բնակավայրում գնդակոծությունների ժամանակ մեկ խաղաղ բնակիչ է տուժել: Այս մասին ճեպազրույցի ժամանակ հայտնել է Սիրիայում հակամարտող կողմերի հաշտեցման կենտրոնի ղեկավար, գեներալ-լեյտենանտ Վլադիմիր Սավչենկոն, գրում է Life.ru-ն:

Նրա խոսքով՝ մեկ օրվա ընթացքում պարբերաբար գնդակոծություններ են տեղի ունեցել Լաթաքիայի տարբեր բնակավայրերում, որտեղ նույնպես խաղաղ բնակիչ է տուժել:

Սավչենկոն նաև ընդգծեց, որ հակամարտող կողմերի հաշտեցման կենտրոնի ներկայացուցիչները մի շարք հումանիտար ակցիաներ են անցկացրել Սիրիայի տարբեր բնակավայրերում և մեծ քանակությամբ մթերք են հատկացրել տեղի բնակչությանը: