Վենետիկում աճուրդի կհանվեն պատմական գերեզմանատներում գերեզմանատեղերը
Վենետիկի իշխանությունները հայտարարել են, որ պատրաստվում են աճուրդի հանել պատմական գերեզմանատներում շիրիմների երկարաժամկետ վարձակալության իրավունքը:
Ինչպես հայտնում է korrespondent.net-ը՝ Վենետիկի քաղաքապետարանին հղումով, աճուրդի կհանվի 16 գերեզմանատեղ, որից 9-ը գտնվում է Սան Միկելե կղզում: Դրանց ընդհանուր աժեքը երկու միլիոն եվրո է:
Քաղաքապետարանի մամուլի խոսնակի փոխանցմամբ՝ գերեզմանատեղերի նոր տերերի հետ կկնքվեն 99 տարով վարձակալման պայմանագրեր:
Հայտնի է, որ այդտեղ նախկինում հուղարկավորված մարդկանց մնացորդները տեղափոխվել են:










