Ֆրանսիայում սկսվում է ԵԽԽՎ նստաշրջանը

11:53 • 08.10.18

Հոկտեմբերի 8-ին Ստրասբուրգում մեկնարկում է Եվրոպայի խորհրդի խորհրդարանական վեհաժողովի աշնանային նստաշրջանը: Այն կտևի հինգ օր և կավարտվի հոկտեմբերի 12-ին:

Նստաշրջանի օրակարգի համաձայն՝ հոկտեմբերի 8-ին կհայտարարվի Վացլավ Հավելի անվան մարդու իրավունքների պաշտպանության համար մրցանակի դափնեկրի անունը:

Նստաշրջանի օրակարգի գլխավոր հարցերից մեկը լինելու է ազգային պատվիրակությունների լիազորություններին և քվեարկության իրավունքին վերաբերող վեհաժողովի որոշումների կայացման կանոնակարգի քննարկումը:

Պատգամավորները նաև օտար երկրներից Եվրոպայում իսլամի ֆինանսավորման և ներգաղթյալների շրջանում ծայրահեղականացման վերաբերյալ քննարկումներ կանցկացնեն: Վեհաժողովը նաև կքննարկի ժամանակավոր օկուպացված տարածքներում Եվրոպայի խորհրդի և ՄԱԿ-ի մշտադիտարկման առաքելությունների հասանելիության խնդիրը: