Ռուսաստանում բեռնատարը բախվել է ավտոբուսին. կա 12 զոհ

22:03 • 11.10.18

Ռուսաստանի Դաշնության կազմում ընդգրկված Չուվաշիա Հանրապետությունում բեռնատարը բախվել է ավտոբուսին, ինչի հետևանքով 12 մարդ է զոհվել: Այս մասին հայտնում է ТАСС գործակալությունը՝ հղում անելով ՆԳՆ տեղի վարչության մամլո ծառայությանը:

Ինքնավար շրջանի վարչակազմից հայտնել են, որ վնասվածք է ստացել ևս ութ մարդ: Մամուլի ծառայությունից հայտնել են, որ ավտոբուսի և բեռնատարի վարորդները ողջ են: Ներկա պահին նրանց բուժօգնություն է ցուցաբերվում:

ԱԻՆ տարածաշրջանային կենտրոնից հայտնել են, որ բոլոր տուժածներին և զոհվածների մարմինները դուրս են բերել իրար բախված տրանսպորտային միջոցներից: