Ինդոնեզիայում կրկին հզոր երկրաշարժ է գրանցվել

01:56 • 11.10.18

Ինդոնեզական Ճավա կղզու ափերի մոտ 6.0 մագնիտուդ ուժնությամբ երկրաշարժ է գրանցվել: Այս մասին հաղորդում է ԱՄՆ երկրաբանական ծառայությունը:

Տվյալների համաձայն՝ ստորգետնյա ցնցումները գրանցվել են հոկտեմբերի 10-ին տեղական ժամանակով ժամը 18:44-ին (երևանյան ժամանակով ժամը 22:44-ին):

Երկրաշարժը տեղի է ունեցել Սումբերանյար քաղաքից 40 կմ հյուսիս-արևելք: Ստորգետնյա ցնցումների օջախը գտնվել է 10.4 կմ խորության վրա:

Երկրաշարժի հետևանքով զոհերի, տուժածների և ավերածությունների մասին տեղեկություն առայժմ չի հաղորդվել: