Իտալիայում ցուցարար ուսանողներն այրել են երկրի փոխվարչապետների խրտվիլակները (տեսանյութ)

12:25 • 13.10.18

Իտալիայի տասնյակ քաղաքներում ուսանողները բողոքի ակցիա են կազմակերպել կրթության ֆինանսավորման վերաբերյալ կառավարության ծրագրերի դեմ, հայտնում է Associated Press-ը:


Գործակալության տվյալների համաձայն՝ ակցիան անցկացվել է երկրի մոտ 50 քաղաքում: Մոտ 3.000 մարդ հավաքվել է Հռոմում Կրթության նախարարության շենքի մոտ, սակայն գերատեսչությունը հրաժարվել է բանակցել ցուցարարների հետ:


Բացի այդ, Թուրինում ցուցարարների խումբն այրել է փոխվարչապետներ Մատեո Սալվինիի ու Լուիջի դի Մայոյի խրտվիլակները: Սալվինին ակցիան «գարշելի» է անվանել:


Ուսանողները դուրս են եկել փողոցներ՝ բողոքելով կրթական հաստատությունների ու ընդհանրապես կրթության անբավարար ֆինանսավորման դեմ: