Հնդկաստանում բորտուղեկցորդուհին ընկել է Boeing-777-ից ինքնաթիռի դուռը փակելու ժամանակ

19:49 • 15.10.18

Air India ավիաընկերության բորտուղերկցորդուհիներից մեկն ընկել է ինքնաթիռից, ինչի հետևանքով հայտնվել է հիվանդանոցում, հայտնում է NDTV-ն:

Միջադեպը տեղի է ունեցել Մումբայ քաղաքի միջազգային օդանավակայանում: Հիսուներեքամյա  բորտուղեկցորդուհի Հարշա Լոբոն դուրս է ընկել թռիչքուղու վրա կանգնած ու դեպի Նյու Դելի չվերթին սպասող ինքնաթիռից:

Հայտնի է, որ կինն ընկել է Boeing-777 լայներից՝ հայտնվելով ասֆալտին: Նշվում է, որ նա ընկել է այն ժամանակ, երբ փորձում էր փակել ինքնաթիռի դուռը: Արդյունքում կինը վնասել է ոտքը: