Մեխիկոյում ալկոհոլային խմիչքների գործարանում հզոր պայթյուն է տեղի ունեցել (տեսանյութ, լուսանկարներ)
Մեքսիկայի մայրաքաղաք Մեխիկոյում ուժգին պայթյուն է որոտացել ալկոհոլային խմիչքների արտադրությամբ զբաղվող գործարաններից մեկում: Այդ մասին Twitter-ի իր էջում տեղեկացրել է Մեխիկոյի քաղաքացիական պաշտպանության ծառայության ղեկավար Ֆաուստո Լուգոն:
Նրա տեղեկացմամբ՝ պայթյունի հետևանքով առաջացած հրդեհը վերահսկողության տակ է վերցվել հրշեջների կողմից, միջադեպի պատճառով տուժել է մեկ մարդ, շենքից տարհանվել է 2000 մարդ:
Հրապարակված տեսանյութերում և լուսանկարներում ֆիքսվել է պայթյունի պահը, կրակի բարձրությունը եղել է մի քանի տասնյակ մետր:














