Կիևի կենտրոնում ավտոամբարձիչը 17 մեքենա է վնասել, կան տուժածներ (լուսանկար)
Ուկրաինայի մայրաքաղաք Կիևում ավտոամբարձիչը 17 մեքենա է վնասել, որոնք կայանված են եղել մոտակայքում: Դեպքի վայր են ժամանել ոստիկանության աշխատակիցներ, շտապօգնության բրիգադներ ու մասնագիտացած քննչական խումբ:
Ինչպես ներկայացնում է «ՌԻԱ Նովոստի» գործակալությունը, միջադեպի հետևանքով տուժել է 3 մարդ: Տուժածներից 2-ին բուժօգնություն է ցուցաբերվել տեղում՝ առանց հոսպիտալացման:
Նշվում է, որ միջադեպը տեղի է ունեցել Կիևի կենտրոնում՝ Լեսյա Ուկրաինկայի բուլվարում: 17 մեքենա վնասած ավտոամբարձիչի վարորդը ոստիկաններին բացատրել է, որ միջադեպը տեղի է ունեցել արգելակների չգործելու պատճառով: Տեղեկությունը կստուգվի հետաքննության ընթացքում:
Այլ մանրամասներ չեն հաղորդվում:
Массовое #ДТП около БЦ Парус, более 20 автомобилей#Киев https://t.co/vdq9Or2Lu0 pic.twitter.com/JxDsbKeMPt
— Обычный Киев (@kyivnash) October 23, 2018










