Հանգստյան օրերի ընթացքում վենեսուելական բանտերից ավելի քան 50 կալանավոր է փախել

03:59 • 23.10.18

Վերջին մի քանի օրվա ընթացքում Վենեսուելայի բանտերից 51 կալանավոր է փախել, հաղորդում է РИА Новости-ին՝ Nacional պորտալին հղումով:

Հայտնի է, որ միայն 40 կալանավոր փախուստի է դիմել ուրբաթ Նուեվա Էսպարտա նահանգի բանտից: Ընդ որում՝ փախուստից առաջ նրանք սպանել են երկու բանտարկյալի:

Եվս 10 բանտարկյալ փախել է շաբաթ Սուլիա նահանգի բանտից: Փախուստի դիմած վերջին կալանավորը եղել  Լարա նահանգի բանտի բանտարկյալներից մեկը: Նրան հասցրել են դատարան՝ մասնակցելու դատական նիստին, սակայն այնտեղ նա փախուստի է դիմել և անհետացել: