«Կարծես դժոխք լիներ». հրապարակվել է Հռոմի կենտրոնական մետրոկայարանում շարժասանդուղքի վթարման տեսանյութը
Daily Mail պարբերականը հրապարակել է Հռոմի կենտրոնական մետրոկայարանում շարժասանդուղքի վթարման պահի տեսագրությունը, որում երևում է՝ ինչպես է դրա ընթացքն անսպասելիորեն արագանում, ինչի հետևանքով տասնյակ մարդիկ մեծ արագությամբ ցած են գլորվում ու իրար վրա ընկնում:
Նշվում է, որ շարժասանդուղքի վրա եղել են առավելապես ռուսական ЦСКА ֆուտբոլային ակումբի երկրպագուները, որոնց անկարգ պահվածքի պատճառով էլ շարժասանդուղքը փչացել է: Նշվում է, որ երիտասարդները ցատկել ու պարել են դրա վրա:
«Հենց նոր ականատես եղանք՝ ինչպես են տասնյակ մարդիկ մեծ արագությամբ իրար վրա գլորվում: Դա նման էր դժոխքի»,-նշել է ներկաներից մեկը:
Հայտնի է, որ միջադեպի հետևանքով տուժել է առնվազն 20 մարդ: Նրանցից ութը բավական լուրջ վնասվածքներ են ստացել: Տուժածների մեծ մասը ռուսներ են, նրանց թվում կա մի քանի իտալացի:















