Չինաստանում բժիշկները երիտասարդ տղամարդու կերակրափողից դուրս են բերել մեկ տարի առաջ կուլ տված գդալը
Չինաստանի Սինցզյան նահանգի Ուրումչի քաղաքի հիվանդանոցներից մեկում բժիշկները երիտասարդ տղամարդու կերակրափողից 20 սմ երկարությամբ գդալ են հանել:
Ինչպես ներկայացնում է Daily Mail-ը, բժիշկներն ապշել են՝ ռենտգեն հետազոտության միջոցով հայտնաբերելով կերակրափողում առկա օտար մարմինը: Բժշկի խոսքով՝ 26-ամյա երիտասարդը սպասքի պարագան կուլ է տվել մեկ տարի առաջ հարբած պահին ցուցադրած հնարքի ժամանակ:
Երիտասարդ տղամարդու խոսքով՝ մեկ տարի առաջ ինքը գրազ էր եկել, որ կկարողանա կուլ տալ չժանգոտող պողպատե գդալը, ապա դուրս քաշել այն դրան ամրացված թելով:
Այնուամենայնիվ, նրան չի հաջողվել դուրս բերել գդալը, սակայն բժշկի չի դիմել, քանի որ ցավեր չի ունեցել և կարողացել է կուլ տալ ջուրն ու ուտելիքը: Նա միայն վերջերս էր սկսել ցավ զգալ ուտելիքը կուլ տալիս:










