Ինդոնեզիայում տեղի ունեցած հզոր երկրաշարժն ու դրան հետևած կործանարար ցունամին համարել են «Աստծո պատիժ» միասեռականների գործունեության դեմ
Վերջերս Ինդոնեզիայում տեղի ունեցած հզոր երկրաշարժն ու դրան հետևած կործանարար ցունամիները միասեռականների գործունեության հետևանք են: Նման հայտարարություն է արել մալայզիական ընդդիմության առաջնորդ Ահմադ Զահիդ Համիդին, գրում է lenta.ru-ն:
Մալայզիայի խորհրդարանում միասեռականների ազդեցության աճի մասին իր ելույթում նա որպես օրինակ է բերել ինդոնեզական Պալու քաղաքի վերապրած արհավիրքը: Ըստ Համիդիի՝ Պալուում տեղի ունեցած ցունամին «Ալլահի պատիժն էր», քանի որ այդ քաղաքում շուրջ 1000 բնակիչ ներգրավված է եղել միասեռականների համայնքի ակտիվ գործունեության մեջ:
«Արդյունքում ամբողջ տարածքն ավերված էր: Դա Ալլահի պատիժն է», - ասել է քաղաքական գործիչը:
Նրա այս ելույթին հետևել է սուր քննադատությունների ալիքը: Նախկին փոխվարչապետ ու ՆԳ նախկին նախարարի հայտարարություններն անվանել են անպատասխանատու ու հիմար, ոմանք էլ մեղադրել են նրան սեփական հեղինակությունը փրկելու համար պոպուլիստական հայտարարություններ անելու համար:










