Չինաստանում կինը դանակով հարձակվել է մանկապարտեզի սաների վրա ու վնասվածքներ հասցրել 14 երեխայի
Չինաստանի Չունցին քաղաքում դանակով զինված կինը հարձակվել է մանկապարտեզի սաների վրա ու վնասվածքներ հասցրել 14 երեխայի, գրում է «РИА Новости» գործակալությունը:
Նշվում է, որ 39-ամյա կասկածյալը հարձակումն իրականացրել է մանկապարտեզի դարպասների մոտ, երբ երեխաները վերադառնալիս են եղել առավոտյան մարզանքից:
Բարեբախտաբար, մանկապարտեզի աշխատակիցներն ու անվտանգության ներկայացուցիչները կարողացել են կանգնեցնել կնոջը, դեպքի վայր ժամանած ոստիկանությունը ձերբակալել է նրան:
Չինուհու նման քայլի դրդապատճառների մասին չի նշվում:
Այլ մանրամասներ առայժմ չեն փոխանցվում:










