ԱԺ արտահերթ նիստն ուղիղ. օրակարգում համաներման նախագիծն է
Հայաստանի Հանրապետության Սահմանադրության 100-րդ և «Ազգային ժողովի կանոնակարգ» Հայաստանի Հանրապետության սահմանադրական օրենքի 41-րդ հոդվածների համաձայն` Հայաստանի Հանրապետության Կառավարության նախաձեռնությամբ այսօր գումարվել է Ազգային ժողովի արտահերթ նիստ:
Նիստի օրակարգում «Էրեբունի-Երևանի հիմնադրման 2800-ամյակի և Հայաստանի առաջին Հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին» նախագիծն է:
Նշենք, որ առավոտյան ժամը 10:00-ից Ազգային ժողովի մոտ բողոքի ակցիա են նախաձեռնել ցմահ ազատազրկման դատապարտված քաղաքացիների հարազատները, ովքեր պահանջում են, որ համաներումը տարածվի նաև իրենց հարազատների վրա:
Համաներման նախագծով ցմահ ազատազրկման դատապարտվածները համաներման չեն ենթարկվում:
ՀՀ ԱԺ Պետական-իրավական և մարդու իրավունքների պաշտպանության հարցերի մշտական հանձնաժողովն արտահերթ նիստում փակ ընթացակարգով քննարկել է և հավանության է արժանացրել համաներման նախագիծը:










