Էմիլ Տարասյանը նշանակվել է ՀՀ նախագահի աշխատակազմի ղեկավար
ՀՀ նախագահ Արմեն Սարգսյանը ստորագրել է հրամանագիր, որով Էմիլ Տարասյանը նշանակվել է նախագահի աշխատակազմի ղեկավար:
«Հիմք ընդունելով Սահմանադրության 145-րդ հոդվածի 1-ին մասը, ինչպես նաև «Հանրային ծառայության մասին» Հայաստանի Հանրապետության օրենքի 9-րդ հոդվածի 11-րդ մասը.
Էմիլ Տարասյանին նշանակել Հանրապետության նախագահի աշխատակազմի ղեկավար՝ ազատելով նրան Հանրապետության նախագահի աշխատակազմի ղեկավարի տեղակալի պաշտոնից», -ինչպես տեղեկացնում են նախագահի աշխատակազմի հասարայակայնության հետ կապերի բաժնից, գրված է հրամանագրում։
Ներկայացնում ենք Էմիլ Տարասյանի կենսագրական տվյալները՝
Ծննդյան տարեթիվ, ամսաթիվ, ծննդավայր
1976թ., 3 մարտի, Հայաստանի Հանրապետություն, ք. Երևան
Կրթություն
1992-1997թթ.՝ Երևանի պետական համալսարանի կիրառական մաթեմատիկայի ֆակուլտետ, մաթեմատիկոս
1999-2001թթ.՝ ՀՀ պետական կառավարման դպրոց, պետական կառավարում և տեղական ինքնակառավարում
2004-2007թթ.` Գիտությունների ազգային ակադեմիա, ասպիրանտ
Աշխատանքային գործունեություն
1999-2000թթ.՝ ՀՀ սեփականաշնորհման նախարարություն, լուծարման բաժին, առաջատար մասնագետ
2000-2002թթ.՝ ՀՀ պետական գույքի կառավարման նախարարություն, պետական գույքի կառավարման քաղաքականության վարչություն, գլխավոր մասնագետ
2002-2008թթ՝ ՀՀ քաղաքացիական ծառայության խորհուրդ, անվանացանկի և գրանցամատյանի վարման վարչություն, վարչության պետ
2008թ. փետրվարի 22-ից հունիսի 26-ը` ՀՀ առևտրի և տնտեսական զարգացման նախարարության աշխատակազմի ղեկավար
2008-2014թթ.` ՀՀ էկոնոմիկայի նախարարության աշխատակազմի ղեկավար
2014 թ. հուլիսի 9-ից` ՀՀ էկոնոմիկայի նախարարի տեղակալ / ներկայումս ՀՀ տնտեսական զարգացման և ներդրումների նախարարի տեղակալ /
Այլ տվյալներ
ՀՀ նախագահի հրամանագրով պարգևատրվել է Երախտագիտության մեդալով
ՀՀ Նախագահի 2012թ. հունվարի 19-ի հրամանագրով շնորհվել է ՀՀ քաղաքացիական ծառայության երկրորդ դասի պետական խորհրդականի դասային աստիճան
Մասնակցել է արտասահմանում կազմակերպված մի շարք կրթական ծրագրերի
10 գիտական աշխատությունների հեղինակ է
1997թ. հունիսի 25-ից 1998թ. նոյեմբերի 3-ը ծառայել է ՀՀ ազգային բանակում
Ազատ տիրապետում է ռուսերեն և անգլերեն լեզուներին
Անձնական տվյալներ
Ամուսնացած է, ունի երկու որդի:










