ԱՄՆ-ում 5 տարվա մեջ առաջին անգամ դատապարտյալը մահապատժի է ենթարկվել էլեկտրական աթոռի միջոցով (լուսանկարներ)

09:53 • 02.11.18

Միացյալ Նահանգներում վերջին հինգ տարվա մեջ առաջին անգամ դատապարտյալի մահապատժի վճիռն իրականացվել է էլեկտրական աթոռի միջոցով, հայտնում է Daily Mail-ը՝ մանրամասնելով, որ դա տեղի է ունեցել Թենեսի նահանգում:

Հայտնի է, որ մահապատժի ենթարկվածը 63-ամյա Էդմունդ Զագորսկին է, որը 1980-ական թվականներին դատապարտվել էր կրկնակի սպանության համար:

Երբ մահապատժի իրականացումից առաջ Զագորսկիին հարցրել են՝ արդյոք կցանկանար վերջին խոսքն ասել, դատապարտյալը միայն ասել է. «Գնացի՛նք»:

Պարբերականը նկատում է, որ էլեկտրական աթոռի միջոցով մահապատժի ենթարկելու պրակտիկան հազվադեպ է կիրառվում, սակայն Զագորսկին հրաժարվել է մահացու ներարկումից՝ ընտրելով էլեկտրական աթոռի տարբերակը: Նա բացատրել էր, որ էլեկտրական աթոռի վրա պակաս ցավ կզգա ու քիչ կտանջվի:

Նշվում է, որ Զագորսկին դարձել է 1960թ. ի վեր Թենեսիում առաջին կալանավորը, որին մահապատժի են ենթարկել էլեկտրական աթոռի միջոցով:

Աղբյուրը հավելում է, որ 2000թ. ի վեր ԱՄՆ-ում 14 կալանավոր է նստեցվել էլեկտրական աթոռին:

 

Zagorski had opted for the electric chair over a lethal injection after arguing it would be a quicker and less painful way to die  Zagorski had opted for the electric chair over a lethal injection after arguing it would be a quicker and less painful way to die

He is the first inmate in five years to be put to death by electrocution in the United States. Pictured above is the electric chair Zagorski was electrocuted in on Thursday