Կամերունում շուրջ 80 մարդ է առևանգվել, հիմնականում՝ դպրոցականներ

21:36 • 05.11.18

Կամերունի հյուսիս-արևմտյան անգլալեզու շրջանի վարչական կենտրոն Բամենդա քաղաքի դպրոցներից մեկից շուրջ 80 մարդ է առևանգվել: Այս մասին հաղորդում է Reuters գործակալությունը՝ հղում անելով կառավարական ու ռազմական աղբյուրներին:

Հաղոդվում է, որ միջադեպը տեղի է ունեցել երկուշաբթի՝ նոյեմբերի 5-ին: Առևանգվածների մեծ մասը դպրոցականներ են, սակայն նրանց հստակ թիվն առայժմ հայտնի չէ: Աղբյուրներից մեկի խոսքով՝ առևանգվել է 81 մարդ, մինչդեռ մեկ այլ աղբյուրի հավաստմամբ՝ 79:

Նշվում է, որ առևանգվածների թվում է նաև դպրոցի տնօրենը: Այս պահին հայտնի չէ, թե ով է կանգնած այս ամենի ետևում: