Ժամը 13:00-ի դրությամբ համաներմամբ ազատ է արձակվել 330 դատապարտյալ, որից 13-ը՝ օտարերկրյա քաղաքացի

14:30 • 07.11.18

2018 թվականի նոյեմբերի 6-ից ուժի մեջ մտած «Էրեբունի-Երևանի հիմնադրման 2800-ամյակի և Հայաստանի Առաջին Հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին» ՀՀ օրենքի շրջանակներում նոյեմբերի 7-ին՝ ժամը 13:00-ի դրությամբ, ազատ է արձակվել 330 դատապարտյալ, որից 13-ը՝ օտարերկրյա քաղաքացի:

Այս մասին հայտնում են ՀՀ ԱՆ քրեակատարողական վարչության հանրային կապերի բաժնից:

1.     «Նուբարաշեն» ՔԿՀ – 16
2.    «Արթիկ» ՔԿՀ – 28
3.    «Վանաձոր» ՔԿՀ – 2
4.    «Վարդաշեն» ՔԿՀ – 44
5.    «Գորիս» ՔԿՀ – 7
6.   «Հրազդան» ՔԿՀ - 24
7.    «Աբովյան» ՔԿՀ – 20
8.   «Սևան» ՔԿՀ – 99
9.   «Կոշ» ՔԿՀ – 43
10. «Արմավիր» ՔԿՀ – 34
11.   «Դատապարտյալների հիվանդանոց» ՔԿՀ – 13

Հիշեցնենք, որ համաներմամբ երեկ ազատ են արձակվել նաև «Ցեղակրոն» կուսակցության նախագահ Շանթ Հարությունյանը, քաղաքագետ Արկադի Վարդանյանը, Ռուսաստանում դատապարտված և պատիժը կրելու համար Հայաստան տեղափոխված հայ վարորդ Հրաչյա Հարությունյանը: