Ավստրալիայում վագրային շնաձուկը հարձակվել է կայակով նավարկող տղամարդու վրա

12:32 • 15.11.18

Ավստրալիայում 4 մետրանոց վագրային շնաձուկը հարձակվել է կայակով նավարկող տղամարդու վրա, այս մասին հայտնում է korrespondent.net-ը:

Միջադեպը տեղի է ունեցել Բրիսբեն քաղաքից քիչ հյուսիս գտնվող Սանշայն Քոստ առափնյա շրջանի ափերի մոտ:

Տուժածը կարողացել է խուսափել լուրջ վնասվածքներից, փրկարարներին հաջողվել է ժամանակին օգնության հասնել նրան: Նշվում է, որ շնաձուկը կարողացել է դուրս նետել տղամարդուն կայակից, սակայն վերջինս կարողացել է կրկին կայակ նստել ու ռացիայով օգնություն կանչել:

Տեղի ունեցածի պատճառով որոշվել է ժամանակավորապես փակել Սանշայն Քոստի լողափերը: