ՄԻԵԴ-ը Նավալնիի ձերբակալություններն ու կալանքը քաղաքական դրդապատճառներով պայմանավորված է որակել

17:39 • 15.11.18

Մարդու իրավունքների եվրոպական դատարանի (ՄԻԵԴ) մեծ պալատը ռուս ընդդիմադիր գործիչ Ալեքսեյ Նավալնիի ձերբակալություններն ու կալանքը քաղաքական դրդապատճառներով պայմանավորված է ճանաչել և պարտավորեցրել է Ռուսաստանին բարոյական վնասի դիմաց 50 հազար, նյութական վնասի դիմաց 1000, իսկ դատական ծախսերի դիմաց 12 հազար եվրո փոխհատուցում վճարել գործչին: Այս մասին հաղորդում է lenta.ru-ն՝ հղում կատարելով դատարանի կայքին:


Խոսքը 2012թ.-ի մարտից 2014թ.-ի փետրվարն ընկած ժամանակահատվածում բողոքի ակցիաների ժամանակ Նավալնիի 7 ձերբակալության և նրա դեմ հարուցված 6 վարչական գործերի մասին է:


Ստրասբուրգում եկել են այն եզրակացությանը, որ ռուսական իշխանությունները խախտել են Մարդու իրավունքների եվրոպական կոնվենցիայի 18-րդ հոդվածը՝ հավաքների ազատության և անձնական անձեռնմխելիության մասին հոդվածների հետ միասին:


«Հաղթեցինք»,- իր թվիթերյան էջում գրել է Նավալնին: