Շրի Լանկայի խորհրդարանում վարչապետի «պատճառով» ծեծկռտուք է տեղի ունեցել (տեսանյութ)

10:50 • 16.11.18

Շրի Լանկայի խորհրդարանում պատգամավորները ձեռնամարտի են բռնվել: Տեղի ունեցածի տեսաձայնագրությունը հրապարակել է theguardian.com-ը:


Կռիվը սկսվել է խոսնակ Կարու Ջայասուրիայի խոսքերից հետո: Նա հայտարարել է, որ վարչապետ Մահինդա Ռաջապակսային անվստահության քվե հայտնելուց հետո երկիրը չունի ո՛չ խորհրդարան, ո՛չ կառավարության ղեկավար:


Կռիվը տևել է մոտ 20 րոպե, դրան մասնակցել է ավելի քան 2 տասնյակ մարդ: Ռաջապակսան կռվից խուսափել է, իսկ նրա օգնականները ջուր են լցրել «տաքացած» պատգամավորների վրա:


Շրի Լանկայի խորհրդարանը վարչապետին անվստահության քվե էր հայտնել նոյեմբերի 14-ին:


Կառավարական ճգնաժամը երկրում շարունակվում է հոկտեմբերից: Անցյալ ամիս երկրի նախագահ Մայտրիպալա Սիրիսենան պաշտոնից ազատել էր վարչապետ Ռանիլ Վիկրեմեսինգխին ու նշանակել իր կողմնակից Ռաջապակսային: