Դրա՞խտ, թե՞ հաճույք. Թրամփը շփոթել է անտառային հրդեհներից ամբողջովին մոխրացած քաղաքի անունն ու անհարմար իրավիճակում հայտնվել (լուսանկարներ, տեսանյութ)

14:55 • 19.11.18

Միացյալ Նահանգների նախագահ Դոնալդ Թրամփն անդրադարձել է մեկ շաբաթից ավելի Կալիֆոռնիա նահանգի հարավում ու հյուսիսում մոլեգնող անտառային հրդեհներին ու դրանց հետևանքով հիմնովին ավերված Փերըդայս քաղաքին՝ շփոթելով քաղաքի անվանումն ու այն «Փլեժըր» անվանելով:

Հատկանշական է, որ «փերըդայս»-ն անգլերենից թարգմանաբար նշանակում է «դրախտ», մինչդեռ «փլեժըր»-ը՝ «հաճույք»:

Ինչպես նշում է Daily Mail-ը, նախագահը բնակավայրի անունը երկու անգամ է շփոթել:

«Մենք հենց նոր ենք գալիս Փլեժըրից»,-ասել է 72-ամյա ղեկավարը, որի թույլ տված լեզվի սայթաքումը շտապել են ուղղել ներկաները:

Նախագահն ուշադրություն չի դարձրել ուղղումներին ու կրկին Փլեժըր է ասել: Սակայն ելույթի վերջում նա բարեհաճել է օգտագործել քաղաքի ճիշտ անվանումը:

«Այն, ինչ մենք տեսանք Փերըդայսում, ուղղակի անընդունելի է: Մարդիկ չեն գիտակցում այստեղ կատարված ողբերգության մասշտաբները, քանի որ այդ մասին տեղեկանում են հեռուստացույցից, կայքերից: Մինչդեռ ողբերգական պատկերն ամբողջական տեսնելու համար, պետք է այստեղ լինել»,-ասել է նա:

Անտառային հրդեհների զոհերի թիվը հասել է 80-ի, մինչդեռ անհետ կորածները մոտ 1000-ն են:

 

The governor said Trump now 'has signed a presidential declaration giving California substantial funding'

Governor Brown (right) said Saturday the economic damage was 'tens of billions'

He said the burning to ashes of an entire town was a bigger deal than media images could show

President Donald Trump visits the charred wreckage of Skyway Villa Mobile Home and RV Park