Բելառուսում կես միլիոն «պորտաբույծ» է հայտնաբերվել. Sputnik
Բելառուսում տնտեսության մեջ չներգրավված աշխատունակ քաղաքացիների թիվը կես միլիոն է, հաղորդում է «Սպուտնիկ» գործակալության բելառուսական տարբերակը՝ երկրի աշխատանքի և սոցիալական հարցերի նախարար Իրինա Կոստևիչի հայտարարությանը հղումով:
Ավելի վաղ երկրի նախագահ Ալեքսանդր Լուկաշենկոն հաղորդել էր, որ Բելառուսում 500 հազար աշխատունակ մարդ չի աշխատում, նրանց թվում նաև օրենքի հետ խնդիրներ ունեցող քաղաքացիներ են: Բելառուսի ազգային վիճակագրական հանձնաժողովի տվյալներով՝ 2018թ.-ի դրությամբ երկրի ընդհանուր բնակչությունը 9,5 մլն է:
Տվյալների բազան գործում է դեկտեմբերի 1-ից: Կոստևիչի խոսքով՝ երկրի քաղաքացիները կարող են տեղեկանալ իրենց կարգավիճակի մասին Բելառուսի էլեկտրոնային ծառայությունների հարթակի միջոցով:
2019թ.-ից չաշխատող քաղաքացիներն ամբողջությամբ կվճարեն գազի, ջեռուցման, տաք ջրի դիմաց:










