Բրազիլիայի նորըտիր նախագահի հասցեին սպառնալիքներ են հնչում

02:21 • 04.12.18

Բրազիլիայի նախագահին կից ինստիտուցիոնալ անվտանգության կաբինետի ղեկավար Սերժիու Էտչեգոյնեն հայտնել է, որ երկրի նորըտիր նախագահ Ժաիր Բոլսոնարուի հասցեին սպառնալիքներ են հնչում: Այս մասին հաղորդում է РИА Новости-ն՝ Globo-ին հղումով:

«Կարող եմ պատմել վերջին 15 օրվա մասին: Եղե՛լ են, եղել են նոր սպառնալիքներ (Բոլսոնարուի հասցեին)», - հայտնել Էտչեգոյնեն, սակայն չի ընդգծել, թե ինչ սպառնալիքների մասին է խոսքը:

Հիշեցնենք, որ Բոլսոնարուն նախագահի պաշտոնը կստանձնի 2019 թվականի հունվարի 1-ին: Սեպտեմբերի սկզբին նախընտրական քարոզարշավի ժամանակ նրան դանակահարել էին, որից հետո նա մի քանի վիրահատություն է ունեցել: Ստացած վնասվածքի հետևանքների պատճառով էլ Բոլսոնարուն չի կարողացել մեկնել Արգենտինա՝ մասնակցելու G20-ի գագաթնաժողովին: