Կիրա Նայթլիին Բրիտանական կայսրության շքանշան է շնորհվել (լուսանկարներ)

Բրիտանացի հայտնի դերասանուհի Կիրա Նայթլին թագաժառանգ արքայազն Չարլզի ձեռքից Բրիտանական կայսրության շքանշան է ստացել, հայտնում է Daily Mail-ը:

Դերասանուհու պարգևատրման արարողությունը տեղի է ունեցել թագուհու պաշտոնական կեցավայրում՝ Բուքինգհեմյան պալատում: Արարողությանը ներկա են գտնվել Նայթլիի հարազատները՝ մայրը, հայրն ու ամուսինը՝ ռոք երաժիշտ Ջեյմս Ռայթոնը:

Նայթլին այս պարգևին արժանացել է ինչպես կինոյի և թատրոնի բնագավառում ունեցած ձեռքբերումների, այնպես էլ իր բարեգործական գործունեության համար: Հայտնի է, որ դերասանուհին ակտիվ մասնակցություն է ցուցաբերում Oxfam և Water Aid բարեգործական կազմակերպությունների աշխատանքներին: