Մի շարք կառույցների աշխատակիցների 23 մլն 510 հազար դրամ կհատկացվի Ֆրանկոֆոնիայի գագաթնաժողովի պատշաճ կազմակերպման համար

15:50 • 27.12.18

Այսօր կառավարությունը հերթական նիստին որոշում կայացրեց պետբյուջեի պահուստային ֆոնդից 23 մլն 510 հազար դրամ հատկացնել Հայաստանում Ֆրանկոֆոնիայի 17-րդ գագաթնաժողովի պատշաճ կազմակերպման ու բարձր պատասխանատվություն դրսևորելու համար՝ մի շարք կառույցների աշխատակիցներին դրամական պարգևատրմամբ խրախուսելու նպատակով։

Ըստ նախագծի հիմնավորման՝ պարգևավճարների համար նախատեսված գումար կտրամադրվի ԱԺ աշխատակազմին, Էներգետիկ պաշարների ու ենթակառուցվածքների, Առողջապահության, Արտաքին գործերի, Տրանսպորտի, Կապի և տեղեկատվական տեխնոլոգիաների, Տնտեսական զարգացման և ներդրումների նախարարություններին, ՀՀ ոստիկանությանն ու դատախազությանը, ԱԻՆ փրկարար ծառայությանը և Արտաքին գործերի նախարարության պետական արարողակարգի ծառայությանը։