Ստրասբուրգի երկաթուղային կայարանը վերսկսել է բնականոն աշխատանքը

02:56 • 28.12.18

Ստրասբուրգի երկաթուղային կայարանը, որտեղ ոստիկանությունը շուրջ երեք ժամ շարունակ ստուգումներ էր անցկացնում ռումբի մասին հաղորդագրությունից հետո, վերսկսել է աշխատանքը: Այս մասին հայտնում է TACC-ը՝ DNA տեղեկատվական պորտալին հղումով:

«Ուղևորները վերադառնում են հյուսիսային մուտքի մոտ», - ընդգծել է պորտալը:

Ոստիկանության թվիթերյան էջում հրապարակված հաղորդագրության մեջ նշվում է, որ ստուգումների ժամանակ կասկածելի որևէ բան չի հայտնաբերվել:

Հիշեցնենք, որ ավելի վաղ պայթուցիկ սարքի մասին հաղորդագրությունից հետո Ստրասբուրգի ոստիկանությունը տարհանել էր երկաթուղային կայարանի բոլոր այցելուներին ու աշխատակիցներին և շրջափակել այն: