Մոսկվայում սպանվել է ЛУКОЙЛ-ի կապալառու ընկերության հիմնադիրը

19:50 • 29.12.18

Մոսկվայի Գարիբալդի փողոցի շենքի մուտքում գիշերը 61-ամյա դանակահարված տղամարդու մարմին է հայտնաբերվել:

Ինչպես հաղորդում է Коммерсантъ-ը՝ վկայակոչելով գործակալության աղբյուրներին, սպանված տղամարդը Мастер-нефть նավթային ծառայություններ մատուցող ընկերության հիմնադիր Շալվա Շալյախովն է: Քննիչները քրեական գործ են հարուցել սպանության դեպքի առթիվ:

Ընկերության գլխավոր տնօրեն Վլադիմիր Պետրովը հաստատել է զոհվածի ինքնությունը: «Այո, այդպես է ստացվել: Ես շփվում եմ քննիչների հետ, մարդասպանին արդեն գտել և ձերբակալել են», - ասել է նա:  

Мастер-нефть-ի աշխատանքների հիմնական ուղղությունը նավթահորերի վերանորոգումն է, ինչպես նաև հորատման աշխատանքներին աջակցելը: Կայքի տեղեկության համաձայն՝ ընկերությունը հանդիսանում է հիմնական կապալառուն ЛУКОЙЛ-Западная Сибирь և ЛУКОЙЛ-Коми ընկերությունների կառույցների վերանորոգման աշխատանքների անցկացման գործով: