Եղանակն՝ այսօր
«Դուք հզոր առաջնորդ եք, իսկ Ձեր երկիրը տնտեսական անսահմանափակ հնարավորություններ ունի». Թրամփը՝ Կիմ Չեն Ընի հետ հանդիպմանը
ԱՄՆ նախագահ Դոնալդ Թրամփն այսօր Վիետնամի մայրաքաղաք Հանոյում Հյուսիսային Կորեայի առաջնորդ Կիմ Չեն Ընի հետ հանդիպման շրջանակում հայտարարել է, որ ԿԺԴՀ-ն տնտեսական «անսահմանափակ» հնարավորություններ ունի, գրում է The Guardian-ը:
«Կարծում եմ, որ Ձեր երկիրը տնտեսական անհավանական, անսահմանափակ ներուժ ունի: Իմ կարծիքով՝ Դուք ձեր երկրի հետ հրաշալի ապագա կունենաք, Դուք հզոր առաջնորդ եք»,- ասել է Թրամփը Հյուսիսային Կորեայի առաջնորդին՝ հավելելով, որ ԱՄՆ-ն կօգնի, որ դա տեղի ունենա:
Կիմ Չեն Ընն իր հերթին ասել է, որ գագաթնաժողովի կայացման համար «շատ խոչընդոտներ» են հաղթահարվել, և հույս է հայտնել, որ Միացյալ Նահանգների ղեկավարի հետ հանդիպման արդյունքները կբավարարեն երկու կողմերին էլ:
Այսօր նախատեսվում է աշխատանքային ընթրիք երկու երկրների առաջնորդների և այլ պաշտոնյաների միջև, իսկ վաղը բանակցությունները կշարունակվեն:
Studio One