Ֆրանսիայում սուրճն օգնել է հազվագյուտ հիվանդությամբ տառապող երեխային

Ֆրանսիայում բժիշկները ներկայացրել են ժառանգական հիվանդություն, որը հաղթահարել օգնում է սուրճի կանոնավոր օգտագործումը: Ինչպես հայտնում է RIA Novosti-ն, ֆրանսիացի 11-ամյա երեխայի մոտ հայտնաբերվել էր գենետիկ շեղում, որն առաջացնում էր մկանների աշխատանքի խախտում:

Դիսկինեզիան կապված է ADCY5 գենի դեֆեկտի հետ և առաջացնում է ոտքերի, ձեռքերի և դեմքի մկանների ակամա շարժում: Այս հիվանդությամբ տառապում է միլիոն մարդուց մեկը և այն դեռևս անբուժելի է համարվում: Միևնույն ժամանակ, երեխայի ծնողները վստահ են եղել, որ նոպաները կանխվում է կոֆեինով:

Նրանք պատմել են, որ նոպաները սուր են դարձել, երբ նրանք գնել են էսպրեսո սուրճի հաբեր` առանց կոֆեինի: 4 օր տղան ունեցել է մկանային ցնցումներ, որից հետո նրան սուրճ են տվել և նոպաները դադարել են:

«Սա այն անհավանական պատահականություններից մեկն է, որոնցով լի է բժշկության պատմությունը»,- ասել է Փարիզի հիվանդանոցներից մեկի բժիշկ Էմանուել Ֆլաման-Ռոզեն:

Բժիշկները ենթադրում են, որ սուրճը կարող է հաղթահարել այս հիվանդությունը, սակայն հիվանդության հազվադեպ լինելու պատճառով փորձարկումներ անելու հնարավորությունից զրկված են: