«Սանիթեք»-ի աշխատակիցները փորձեցին փակել ճանապարհը, ինչից հետո ոստիկանների հետ քաշքշուկ տեղի ունեցավ․ բողոքի ակցիա՝ Երևանի քաղաքապետարանի մոտ (տեսանյութ)

11:57 • 18.09.19

12։40

Նոր աղբամանի համար բանվորին տարել են քաղմաս, ծեծել ու պահանջել, որ աղբամանի գումարը տա. «Սանիթեք»-ի աշխատակից

«Սանիթեք» ընկերության Կենտրոն վարչական շրջանը սպասարկող անձնակազմը պահանջում է Երևանի քաղաքապետարանից ընկերությանը փոխանցել օգոստոս ամսվա իրենց հասանելիք աշխատավարձը։

«Չենք ժխտում, որ «Սանիթեքը» թերի է աշխատել: Տուգանքից հետո թերի է աշխատել, որովհետև ֆինանսականից կտրել են: Բայց, եթե «Սանիթեքը» վերաբացվի, բոլորս պատրաստ ենք նույն հիմնարկում աշխատել»,- ասաց աշխատակիցներից մեկը:

«Այն օրը, քաղաքապետարանի բացած նոր հիմնարկում, նոր աղբամանի համար բանվորին տարել են քաղմաս, ծեծել են, բերել են հասցրել հիմնարկ ու պահանջել են, որ աղբամանի փողը տա»,-պատմեց աշխատակիցը:

12։26

Քաղաքապետարանի մուտքը հսկող ոստիկանների և «Սանիթեք» ընկերության աշխատակիցների միջև քաշքշուկ տեղի ունեցավ։ Բողոքի ակցիայի մասնակիցները փորձեցին փակել փողոցը, ինչից հետո նրանց ու ոստիկանների միջև քաշքշուկ տեղի ունեցավ։



11։57

«Սանիթեք» ընկերության Կենտրոն վարչական շրջանը սպասարկող անձնակազմը պահանջում է Երևանի քաղաքապետարանից ընկերությանը փոխանցել օգոստոս ամսվա իրենց հասանելիք աշխատավարձը։

Ընկերության աշխատակիցների բողոքի ակցիային կարող եք հետևել ուղիղ հեռարձակմամբ։