Lamborghini-ն ներկայացրել է V12 Vision Gran Turismo Concept-ը (լուսանկարներ)

Լյուքս դասի մեքենաների արտադրությամբ զբաղվող Lamborghini ընկերությունը ներկայացրել է նոր կոնցեպտ, որն արտասովոր դիզայներական լուծումների շնորհիվ յուրահատուկ տեսք է ստացել:

Ինչպես նշում է luxurylaunches.com–ը, իտալական արտադրության կոնցեպտը կոչվում է V12 Vision Gran Turismo Concept: Ավտոբրենդի դիզայներական կենտրոնի տնօրեն Միտյա Բորկերտը նշել է, որ նորույթը լավագույն վիրտուալ մեքենան է երիտասարդ գեյմերների և իրենց ընկերության երկրպագուների համար:

Աղբյուրը մանրամասնում է, որ մեկ տեղանոց մրցարշավային մեքենան PlayStation 4-ի համար նախատեսված Gran Turismo Sport խաղի համար հասանելի կլինի մայիսից: Մինչդեռ խաղից դուրս դրա վարելի տարբերակը չի արտադրվի:

Նորույթը կշռում է 819 կգ, համալրված է 819 ձիուժ հզորությամբ հիբրիդային շարժիչով: