Samsung-ն այս տարի կներկայացնի Galaxy S20 շարքի երեք նոր մոդել. The Verge

Հարավկորեական  Samsung տեխնոլոգիական ընկերության ներկայացվելիք Galaxy S20 սմարթֆոնի վերաբերյալ նոր արտահոսք է տեղի ունեցել:

Ինչպես նշում է theverge.com-ը, XDA Developers-ի մասնագետները պատմել են, որ նորույթը կունենա մատնահետքի ճանաչման գործառույթ, կզրկվի ականջակալի միացման համար անցքից, համալրված կլինի 3200 x 1440 լուծաչափ էկրանով:

Ըստ քաջատեղյակ աղբյուրների՝ Samsung-ն այս տարի կներկայացնի S20 շարքի երեք մոդել՝ փոքր S20, ավելի մեծ S20 Plus և կատարելագործված S20 Ultra: Առաջինը կունենա 6,2, երկրորդը՝ 6,7, իսկ երրորդը՝ 6,9 դյույմ անկյունագծով էկրան:

Դրանք համալրված կլինեն Qualcomm-ի ամենաթարմ Snapdragon 865 պրոցեսորով: 

Galaxy S20-ի շնորահանդեսը տեղի կունենա փետրվարի 11-ին: