Volkswagen-ը ներկայացրել է Caddy մոդելի նոր սերնդի մեքենաները (լուսանկար)

14:47 • 21.02.20

Volkswagen ընկերությունը Գերմանիայում ներկայացրել է Caddy մոդելի նոր սերնդի մեքենաները: Այս մասին տեղեկացնում է motor.ru կայքը:

Մեքենան կառուցված է MQB մոդուլային պլատֆորմի վրա: Նոր մեքենայի երկարությունն ավելացել է 93 մմ-ով և կազմում է 4501 մմ: Միևնույն ժամանակ նոր Caddy-ն 25 մմ-ով ցածր է իր նախորդ տարբերակից, աերոդինամիկ դիմադրության գործակիցն էլ 0,33-ից իջել է 0,30-ի:

Մեքենայի սրահում նոր սարքավորումներ են տեղադրված, իսկ մեքենայի թոփ տարբերակների համար գործում է դրանց թվային տարբերակը:

Բացի այդ, մեքենայում հայտնվել է նաև տեղեկատվական-ժամանցային էկրան:

Նոր Volkswagen Caddy-ն ունի 75, 102 և 122 ձիաուժ հզորությամբ դիզելային շարժիչներ: Բացի այդ, այս մոդելը կարելի է պատվիրել բենզինով և գազով աշխատող բիովառելիքային ուժային համակարգով:

123