Ֆրանսիացի պարաշյուտիստը ռեակտիվ կոստյումով 240 կմ/ժ արագությամբ թռիչք է կատարել Դուբայում (տեսանյութ, լուսանկարներ)

14:52 • 22.02.20

Ֆրանսիացի պարաշյուտիստ Վինս Ռեֆեթը ռեակտիվ կոստյումով 240 կմ/ժ արագությամբ թռիչք է կատարել Դուբայում: Տեսանյութը հրապարակել է dailymail.com կայքը:

Ջրի վրա թափ հավաքելուց հետո նա թռչում է 240 կմ/ժ առավելագույն արագությամբ և գետնից բարձրանում 1,5 կիլոմետր:

Ռեակտիվ կոստյումը ղեկավարվում է գետնից և հնարավորություն ունի փոխել ուղղությունը:

Թևերով այս կոստյումը Jetman Dubai-ի նախագիծն է, որի նպատակն է «ռեակտիվ թևերով թռչող մարդկանց համար ապագա ստեղծել» և «փոխել մեր աշխարհընկալումը»:

Ընկերությունը ձգտում է 2020 թվականին հասնել մարդու 100 տոկոսանոց ինքնավար թռիչքին:

Տեսանյութում երևում է, որ Ռեֆեթը դուրս է գալիս Արաբական Միացյալ Էմիրությունների ափին գտնվող Skydive Dubai հարթակից:

Մի քանի րոպե ջրի մակերևույթին սավառնելուց հետո նա ողջույն է հղում տեսախցիկին, փակում է իր սաղավարտը և սկսում է արագություն հավաքել ու բարձրանալ դեպի երկինք:

8 վայրկյանում նա հասել է 100 մետր բարձրության, 12 վայրկյանում` 200 մետր բարձրության, իսկ 19 վայրկյանում` 500 մետր բարձրության:

Կես րոպե անց Ռեֆեթը հասել է 1000 մետր բարձրության՝ 240 կմ/ժ միջին արագությամբ:

Vince Reffet as he takes off from the Sky Dive Runway on the Duabi coast. The test flight on February 14 was a first for Jetman Dubai, with previous flights requiring the wearer to disembark from a helicopter to get in the air

The Jet Wing is powered by jetpacks and is controlled by an operator on the ground. The device's creators want to achieve fully autonomous human flights this year