Ռուսաստանն ու Չինաստանը մտադիր են Լուսնի վրա համատեղ բազա ստեղծել

Ռուսաստանն ու Չինաստանն այժմ քննարկում են Լուսնի վրա բազա տեղակայելու շուրջ համատեղ աշխատանքները: Այս մասին հաղորդում է РИА Новости-ն՝ հղում տալով իր աղբյուրներին:

Նրա տվյալներով՝ ներկայումս բանակցություններ են տարվում երկկողմանի աշխատանքային խմբերի մակարդակում:

«Քննարկվում են զանազան տարբերակներ այնպիսի համագործակցության, ինչպիսիք են համատեղ բազայի կամ լուսնային մոտակա բազաների ստեղծում, Այդ մոտեցումների շրջանակում ինտեգրման աստիճանը ենթակա է հետագա քննարկման»,- ասել է գործակալության զրուցակիցը:

Բազայի համար հիմք կդառնան այն սարքավորումները, որոնք երկու երկրները ծրագրում են մոտակա տարիներին Լուսին ուղարկել: