Եղանակն՝ այսօր
Ֆրանսիայում սեպտեմբերին նոր հայկական ամենօրյա դպրոց կբացվի
Ֆրանսիայի Վալենս քաղաքում սեպտեմբերին պաշտոնապես կբացվի հայ-ֆրանսիական «Գևորգ Արաբյան» դպրոցը:
Այս մասին հայտնում է Horizon Weekly-ն՝ նշելով, որ դա առաջին ամենօրյա հայկական դպրոցն է, որը վերջին տարիներին բացվում է Սփյուռքում:
Նախագիծն իրականացվել է Վալենսի հայ-ֆրանսիական մշակութային կենտրոնի ջանքերով: Նախագիծը համանախագահներն են Նորվան արքեպիսկոպոս Զաքարյանը և Անդրե Հասբանյանը: Դպրոցը կանվանակոչվի հիմնական բարերար Գևորգ Արաբյանի պատվին:
Կրթական հաստատության տարածքը բաղկացած կլինի մանկապարտեզից, տարրական դպրոցից և մշակութային կենտրոնից:
Կրթական հաստատության առանցքային սկզբունքներն են լինելու հայոց լեզվի, մշակույթի և պատմության ուսուցումը, աշակերտներին անգլերենի ուսուցմանը նախապատրաստելը, անհատական զարգացման համար անհրաժեշտ առարկաների (շախմատ, համակարգիչ, թատրոն) ուսուցումը և սոցիալական հարցերի ու շրջակա միջավայրի խնդիրների իրազեկումը:
Studio One