Չինաստանն ԱՄՆ քաղաքացիների համար այցագրային սահմանափակումներ կմտցնի Տիբեթի նկատմամբ «ոչ պատշաճ» պահվածքի պատճառով

16:09 • 08.07.20

Չինաստանն այցագրային սահմանափակումներ կմտցնի ԱՄՆ քաղաքացիների համար` Չինաստանի Ժողովրդական Հանրապետության Տիբեթի ինքնավար մարզի նկատմամբ «ոչ պատշաճ» պահվածքի համար:

Այս մասին տեղեկացնում է ng.ru կայքը` վկայակոչելով Չինաստանի արտգործնախարարության խոսնակ Չժաո Լիցզյանին, որն այս կերպ մեկնաբանել է ԱՄՆ կողմից չինացի պաշտոնյաների նկատմամբ այցագրային սահմանափակումների կիրառումը: Ամերիկյան  կողմն այդ սահմանափակումները կիրառում է այն պաշտոնյաների նկատմամբ, որոնք, ըստ իրեն, կապված են արտասահմանցիների` Տիբեթ մուտք գործելու արգելքի հետ:

«Մենք սրա հետ կապված վճռական բողոք ենք ներկայացնում: ԱՄՆ-ի նման քայլերին ի պատասխան Չինաստանը որոշել է այցագրային սահմանափակումներ մտցնել ԱՄՆ այն քաղաքացիների նկատմամբ, որոնք ոչ պատշաճ վերաբերմունք են դրսևորում Տիբեթի նկատմամբ»,-ասել է ԱԳՆ խոսնակը: