Պեկինում երկրորդ օրն անընդմեջ կորոնավիրուսով վարակման դեպք չի գրանցվել մայրաքաղաքի խոշորագույն շուկայում նոր բռնկումից հետո

22:27 • 08.07.20

Պեկինում երեքշաբթի երկրորդ օրն անընդմեջ կորոնավիրուսով վարակման դեպք չի արձանագրվել մայրաքաղաքի սննդի խոշորագույն մեծածախ շուկայում վիրուսի նոր բռնկման հայտնաբերումից հետո:

Այս մասին տեղեկացնում է CNN-ը՝ հղում անելով Չինաստանի Առողջապահության հարցերով ազգային հանձնաժողովին: Այնուամենայնիվ, Չինաստանի մայրցամաքային հատվածում երեքշաբթի վարակման 7 նոր ներկրովի դեպք է արձանագրվել, որը նախորդ օրվա տվյալից մեկով պակաս է:

Վարակման նոր դեպքերից 4-ն արձանագրվել է Ներքին Մոնղոլիա ինքնավար շրջանում, մեկական դեպքեր՝ Շանսի, Գուանդուն և Յունան նահանգներում:

Կորոնավիրուսով պայմանավորված մահվան նոր դեպքեր չեն արձանագրվել վերջին մեկ օրում

Հիշեցնենք, որ Չինաստանի մայրաքաղաքի սննդամթերքի շուկայում կորոնավիրուսի տարածման դեպքեր էին արձանագրվել հունիսի 11-ին, որից հետո իշխանությունները փակել էին շուկան: