Քարերով հարվածեցին խանութի պատուհաններին, ցանկանում էին ներս մտնել, ներսում վնասներ հասցնել. «Հայկական տուն» խանութը վարձալակած անձը՝ադրբեջանցիների հարձակման մասին (տեսանյութ)
Երեկ Ռուսաստանի Շաբլվկայում գտնվող «Հայկական տուն» խանութը ադրբեջանցիների հարձակումից հետո արդեն աշխատում է: Այս մասին Tert.am-ին պատմեց խանութը վարձակալած անձը՝ Ռոբերտը:
Նա պատմեց՝ երեկ մի խումբ ադրբեջանցիներ դուրս եկան իրենց մեքենաներից և քարերով, փայտերով հարվածեցին խանութի պատուհաններին, ջարդեցին ապակիները:
«Ցանկանում էին ներս մտնել, ներսում վնասներ հասցնել, բայց ես դուրս եկա, նրանց հետ պայքարում դա թույլ չտվեցի: Փախան նրանք»,- պատմեց նա՝ նշելով, որ ինքը թեթև վնասվածք է ստացել գլխի շրջանում:
Ըստ նրա՝ խանութում իր աշխատողներն էին՝ բոլորն էլ հայ կանայք, ներսում նաև հաճախորդներ կային: «Աշխատողերս իրենք էին ուզում դուրս գալ ադրբեջանցիների հետ կռվել, իսկ հաճախորդները մշտական են, նորից հայ էին, նրանց հետ խնդիր չի լինի»,- ասաց նա:
Տեղի ունեցածին, ըստ Ռոբերտի, արագ արձագանքեցին իրավապահ մարմինները. խանութի տեսախցիկները ֆիքսել են տեղի ունեցածը, որը թույլ կտա կբացահայտել հարձակվողների ինքնությունը:










