Ֆրանսիայի ծովափին ջրի վրա լողացող էկո-հյուրանոց է հայտնվել

04:33 • 28.07.20

Ֆրանսիայի Բրետան շրջանի ծովափին լողացող էկո-հյուրանոց է հայտնվել, որը թափանցիկ տանիք ունի և աշխատում է արևային մարտկոցներով, РИА Новости-ի փոխանցմամբ՝ հայտնում է Lonelyplanet-ը:

Էկո-հյուրանոցից տեսարան է բացվում դեպի օվկանոսը, իսկ ապակյա տանիքը թույլ է տալիս տեսնել, թե ինչ է կատարվում ջրում: Նմանատիպ կառույցի գաղափարը Ջեյմս Բոնդի մասին «Գործակալը, որն ինձ սիրում էր» ֆիլմում է շոշափվել, որից էլ ոգեշնչվել են էկո-հյուրանոցը նախագծողները:

Տեղադրված արևային 5 մարտկոցներն ապահովում են մինչև 12 հոգու տարողությամբ էկո-հյուրանոցի աշխատանքը: Հաճախորդներին ծովային ջրով լոգանքների և առանձին խոհանոցների ծառայություններ են նաև մատուցվում:

Նախատեսվում է, որ 2021թ-ից սկսած նմանատիպ մի քանի էկո-հյուրանոց էլ է բացվելու, երբ կորոնավիրուսով պայմանավորված համաճարակային իրավիճակը կբարելավվի: