Ճապոնիայում ռեստորանում պայթյունի հետևանքով վիրավորվել է 18 մարդ, նրանցից մեկը մահացել է (տեսանյութ)
Ճապոնական Ֆուկուսիմա պրեֆեկտուրայում ռեստորաններից մեկում պայթյուն է տեղի ունեցել, որի հետևանքով վիրավորվել է 18 մարդ, նրանցից մեկը մահացել է, հայտնում է Kyodo գործակալությունը։
Աղբյուրը մանրամասնում է, որ դեպքը տեղի է ունեցել Կորիյամա քաղաքում։
Ոստիկանության տեղեկությունների համաձայն՝ պայթյունը տեղի է ունեցել, երբ ռեստորանում վերանորոգման աշխատանքներն ավարտին են մոտենալիս եղել։ Նշվում է, որ նախատեսված է եղել շինությունը հուլիսի 31-ին բացել այցելուների համար։
Այժմ փրկարարական և ոստիկանական ծառայությունները տեղի բնակիչներին խնդրում են չմոտենալ դեպքի վայրին, քանի որ այդտեղ գազի արտահոսք է տեղի ունեցել։
Հրապարակված տեղեկությունների համաձայն՝ դեպքի վայրից մոտ 100 մետր հեռավորության վրա գտնվող տների ապակիները կոտրվել են, մեծապես վնասվել են որոշ շինությունների պատերն ու տանիքները։ Հենց ռեստորանը գրեթե ամբողջովին ավերվել է։

福島 郡山で爆発か 建物に被害 上空からの映像https://t.co/KsTX2Q1Xlp#nhk_news #nhk_video pic.twitter.com/W3fPTZFhqi
— NHKニュース (@nhk_news) July 30, 2020










