Արցախում կորոնավիրուսով վարակվել է ևս 2 քաղաքացի, վարակվածների ընդհանուր թիվը հասել է 239
ԱՀ առողջապահության նախարարության տրամադրած տեղեկատվության համաձայն՝ Արցախում նոր կորոնավիրուսային վարակը (COVID-19) հաստատվել է 2 քաղաքացու մոտ, տեղեկացնում է Արցախի տեղեկատվական շտաբը:
Վարակակիրները Ստեփանակերտից են և գտնվում էին մեկուսացման համար նախատեսված վայրում:
Առայսօր, COVID-19-ը ախտորոշվել է 239 մարդու մոտ, որից 167-ը հաղթահարել է հիվանդությունը: Փաստացի բուժում է ստանում 71, ընդհանուր մեկուսացված է 127 քաղաքացի:
Թեստավորումների նպատակով 111 նմուշառում է իրականացվել:
Մինչ այսօր իրականացվել է 5 944 փորձանմուշի հետազոտություն:










