Թրամփի և նրա վարչակազմի որոշ պաշտոնյաների հակասությունները ցույց են տալիս, որ ԱՄՆ նախագահը Ռուսաստանի նկատմամբ ռազմավարական մոտեցում չունի. The Washington Post
ԱՄՆ նախագահ Դոնալդ Թրամփը Ռուսաստանի հետ հարաբերությունների վերաբերյալ ռազմավարական մոտեցում չունի, գրում է The Washington Post-ը՝ հղում անելով Սպիտակ տան աշխատակազմի բարձրաստիճան նախկին պաշտոնյային, որը ցանկացել է անանուն մնալ:
Ըստ այդմ, Թրամփը չի ցանկանում, որ Ռուսաստանն «իրեն կոպիտ վերաբերվի»: Ըստ պարբերականի զրուցակցի՝ Թրամփը «խաթարում է ԱՄՆ արտաքին քաղաքականությունն ու հետևողական արտաքին քաղաքականություն Ռուսաստանի նկատմամբ չի վարում»: Այդ իսկ պատճառով, պարբերականի փոխանցմամբ, Թրամփի և նրա աշխատակազմի ներկայացուցիչների միջև տարաձայնությունները Ռուսաստանի հարցում վկայում են Մոսկվայի նկատմամբ «ռազմավարական մոտեցման բացակայության վերաբերյալ»:
Հուլիսի կեսին ամերիկյան ABC հեռուստաալիքի և Ipsos հետազոտական ծառայության հրապարակած հարցումների տվյալների համաձայն՝ ամերիկացիների 63%-ը Ռուսաստանի հարցում Թրամփի վարած քաղաքականությանը չի աջակցում, և միայն հարցվածների 36%-ն է կողմ արտահայտվել ԱՄՆ-ի ռուսական քաղաքականությանը:










