ԱՄՆ-ում եկեղեցի այցելած տղամարդը 91 մարդու կորոնավիրուսով է վարակել. CNN
ԱՄՆ Օհայո նահանգում կորոնավիրուսի վարակակիր տղամարդը ժամերգության մասնակցելու համար եկեղեցի է գնացել և մոտ 91 հոգու վարակել, հայտնում է CNN-ը։
«Այն անտառային հրդեհի նման է տարածվել։ Սարսափելի է»,- հայտնել է Օհայոյի նահանգապետ Մայք դե Ուայնը։
Առողջապահության ոլորտի աշխատակիցներն այս դեպքից հետո գունավոր գրաֆիկական պատկեր են ստեղծել, որում ցուցադրվում է, թե ինչպես մի հոգին կարող է տարածել վիրուսը և անգամ այնպիսի մարդկանց վարակել, որոնք կրոնական արարողությանը ներկա չեն եղել։
Դե Ուայնը մարդկանց կոչ է արել եկեղեցիներ այցելելիս դիմակներ կրել։ Նշվում է, որ նա պաշտպանիչ դիմակների կրման ռեժիմ հուլիսի 22-ից է սահմանել։
Վերջին տեղեկությունների համաձայն՝ Օհայո նահանգում կորոնավիրուսով ավելի քան 96 000 մարդ է վարակվել։











