Փրկարարները գտել են «Սուլեյմանի դոշ» կոչվող հանդամասի մոտակայքում մոլորված քաղաքացուն

19:44 • 07.08.20

Օգոստոսի 7-ին, ժամը 14։31-ին Ճգնաժամային կառավարման ազգային կենտրոն ահազանգ է ստացվել, որ քաղաքացին «Սուլեյմանի դոշ» կոչվող հանդամասի մոտկայաքում մոլորվել է և չի կարողանում ինքնուրույն գտնել ճանապարհը։ Այս մասին հայտնում է ՀՀ ԱԻՆ-ը։

Դեպքի վայր է մեկնել ԱԻՆ ՓԾ Լոռու մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Փրկարարներն անտառային հատվածում հայտնա­բերել են քաղաքացի Զաքար Գ․-ին (ծնված 2003 թ․) և ուղեկցել Վանաձոր քաղաք: