Ավելի քան 60 մարդ շարունակում է անհետ կորած համարվել Բեյրութում հզոր պայթյունից հետո

16:52 • 08.08.20

Լիբանանի մայրաքաղաք Բեյրութի նավահանգստում տեղի ունեցած հզոր պայթյունից 4 օր հետո ավելի քան 60 մարդ շարունակում է անհետ կորած համարվել:

Ինչպես նշում է Al Arabiya-ն, այս մասին տեղեկացրել է Առողջապահության նախարարությունը:

«Զոհերի թիվը 154 է: Նրանցից 25-ի ինքնությունը դեռևս չի պարզվել, բացի այդ կա ավելի քան 60  անհետ կորած»,-նշել է նախարարության պաշտոնյաներից մեկը:

Հիշեցնենք, որ Բեյրութն օգոստոսի 4-ի երեկոյան որոտացած հզոր պայթյունի հետևանքով աղետի գոտի է հայտարարվել, քաղաքում երկու շաբաթով՝ օգոստոսի 4-18-ը, արտակարգ դրություն է սահմանվել: Պայթյունի հետևանքով զոհվել է ավելի քան 150 մարդ, այդ թվում՝ հայկական համայնքի 13 ներկայացուցիչ, մինչդեռ վիրավորները 5000-ից ավելի են: