Սերես մոլորակն «օվկիանոսային աշխարհ» է, դրա մակերևույթի տակ մեծ քանակությամբ ծովային պաշարներ կան. գիտնականներ

Արեգակնային համակարգի երկնաքարերի գոտում գտնվող Սերես գաճաճ մոլորակը, որը երկար ժամանակ համարվում էր «անպտուղ» երկնային մարմին, իրականում «օվկիանոսային աշխարհ» է, որի մակերևույթի տակ ծովային ահռելի պաշարներ կան:

Ինչպես նշում է The Guardian-ը, այս են վկայում մոլորակի հետազոտման վերջին թարմ արդյունքները:

ՆԱՍԱ-ի Dawn տիեզերական սարքին հաջողվել է Սերեսի մակերևույթի բարձրորակ լուսանկարներ ստանալ: Մակերևույթից ընդամենը 35 կմ հեռավորության վրա արված լուսանկարներն ուսումնասիրել է ամերիկացի և եվրոպացի գիտնականներից բաղկացած թիմը: Նրանք առավել մեծ ուշադրություն են դարձրել  քսան միլիոն տարվա պատմություն ունեցող Օկատոր խառնարանին՝ պարզելով, որ դրա տակ իրականում մեծ ծով կա:

Հատկանշական է, որ գիտական խմբերից մեկը, կիրառելով ինֆրակարմիր պատկերում, հայտնաբերել է մեծ քանակությամբ հիդրոգալիտ, որը հանդիպում է ծովերի սառույցներում և մինչ այս Երկրի սահմաններից դուրս դեռևս չի հայտնաբերվել:

«Այժմ մենք կարող ենք ասել, որ Սերեսն այսպես կոչված «օվկիանոսային աշխարհ» է, ինչպես որ Սատուրնի և Յուպիտերի արբանյակներից որոշները»,-նշել է Հռոմի աստղաֆիզիկայի ինստիտուտի գիտնական Մարիա Կրիստինա դե Սանկտիսը՝ ևս մեկ անգամ ընդգծելով, որ հիդրոգալիտը ծովի ջրի առկայության հստակ նշան է: