Թրամփը քննադատել է փոխնախագահի պաշտոնում Բայդենի ներկայացրած թեկնածուի ընտրությունը

05:18 • 12.08.20

ԱՄՆ նախագահ Դոնալդ Թրամփը հայտնել է, որ զարմացած է սենատոր Քամալ Հարրիսին որպես փոխնախագահ ընտրելու դեմոկրատների թեկնածու Ջո Բայդենի որոշումից: Այս մասին հայտնում է РИА Новости-ն:

Նա նաև հիշեցրել է, որ Հարրիսը կուսակցական փրայմերիզի ժամանակ թույլ ելույթ է ունեցել:

«Նա շուրջ 2 տոկոս ուներ, շատ գումար է ծախսել… Ես զարմացած էր, որ իրենք (խմբ.՝ Բայդենն ու իր շտաբը) ընտրել են իրեն»,- ասել է Թրամփը մամուլի ասուլիսի ժամանակ:

Առաջիկա նախագահական ընտրություններում Դեմոկրատական կուսակցության թեկնածու Ջո Բայդենը հայտնել է8, նախագահ ընտրվելու պարագայում իր տեղակալի անունը: ABC News-ի հաղորդմամբ՝ Բայդենն այս մասին գրել է թվիթերյան իր էջում:

«Պատիվ ունեմ հաղորդել, որ ընտրել եմ Քամալա Հարրիսին…»,- գրել է Բայդենը:

Նա Հարրիսին, որը Կալիֆոռնիա նահանգից սենատոր է, անվախ մարտիկ է անվանել և երկրի լավագույն պետական ծառայողներից մեկը: